प्रभाग ५ मध्ये जनसंपर्क कार्यालयाचे उद्घाटन; समस्या-सुविधांवर खुला संवाद, नागरिकांचा उत्स्फूर्त प्रसिध्दी

 

गडचिरोली, ता, २८ : प्रभाग क्रमांक ५ विवेकानंदनगरमधून नगरसेवक पदाच्या उमेदवार सीमा राहुल कन्नमवार (कोसे), प्रकाश वसंत निकुरे यांचा स्थानिक स्वराज्य संस्था निवडणुकीच्या पार्श्वभूमीवर गडचिरोली नगर परिषद निवडणुकीसाठी प्रचाराकरिता जनसंपर्क कार्यालयाचे उद्घाटन पार पडले. 

जनसंपर्क कार्यालयाचे उद्घाटन गडचिरोली विधानसभा क्षेत्राचे आमदार डाॅ. मिलिंद नरोटे यांच्या हस्ते झाले. याप्रसंगी आमदार डाॅ. नरोटे व उमेदवारांनी विविध समस्या, सुविधा, विकासकामांच्या सुधारणा याबाबत संवाद साधला व नागरिकांच्या समस्या जाऊन घेतल्या. विवेकानंदनगर येथील जनसंपर्क प्रचार कार्यालयाच्या उद्घाटनानिमित्त जनसंवाद तसेच स्नेहभोजन कार्यक्रम उत्साहात पार पडला. आपल्या प्रभागातील विविध समस्या, सुविधा, विकासकामांच्या सुधारणा याबाबत उमेदवारांनी संवाद साधला व त्त्यांच्या समस्या जाऊन घेतल्या.तसेच या सर्व समस्या सोडवण्यासाठी आपण सज्ज असून जनतेने आशीर्वाद द्यावा, असे आवाहन करण्यात आले. नागरिकांनीही उत्स्फूर्त प्रतिसाद देत आमदार डाॅ. मिलिंद नरोटे, प्रभाग क्रमांक ५ चे नगरसेवक पदाचे उमेदवार सीमा राहुल कन्नमवार (कोसे), प्रकाश वसंत निकुरे यांच्या कार्याचे कौतुक करत स्वागत केले. याप्रसंगी आमदार डाॅ. मिलिंद नरोटे, माजी आमदार डॉ. नामदेव उसेंडी, माजी जिल्हाध्यक्ष प्रशांत वाघरे, ज्येष्ठ नेते बाबूराव कोहळे, जिल्हा महामंत्री गोविंद सारडा, रमेश भुरसे, गडचिरोली नगर परीषदेच्या नगराध्यक्ष पदाच्या उमेदवार अॅड. प्रणोती सागर निंबोरकर,राष्ट्रीय मानवाधिकार संघटनेचे प्रदेशाध्यक्ष डाॅ. प्रणय खुणे, भगवान चिडंगे, दिलीप भुर्ले, नेताजी मोहुर्ले व विवेकानंदनगरातील नागरिक मोठ्या संख्येने उपस्थित होते.