महाराष्ट्र राज्य सहकारी बँक्स असोसिएशन लि. मुंबई च्या उपाध्यक्ष पदी प्रंचित पोरेड्डीवार यांची निवड

गडचिरोली,ता. १६ : दि महाराष्ट्र स्टेट को ऑपरेटिव्ह बँक्स असोशिएशनच्या उपाध्यक्ष पदी दि गडचिरोली जिल्हा मध्यवर्ती सहकारी बँकेचे अध्यक्ष प्रंचित अरविंद पोरेड्डीवार यांची एकमताने निवड करण्यात आली.

मंगळवार (ता. १४) मुंबई येथे महाराष्ट्र राज्य सहकारी बँक्स असोसिएशन लि. मुंबई येथील सभागृहात अध्यक्षपदाची व उपाध्यक्षपदाची निवडणुकीची प्रक्रीया पार पडली. या सभेमध्ये अध्यक्षपदी भारती सहकारी बँकेचे अध्यक्ष भाऊसाहेब कड यांची अध्यक्षपदी तर प्रंचित अरविंद पोरेड्डीवार यांची उपाध्यक्षपदी बिनविरोध निवड झाली. महाराष्ट्रातील ३१ जिल्हा मध्यवर्ती सहकारी बँका, ३३५ नागरी सहकारी बँका, महाराष्ट्र राज्य सहकारी बँक या बँका महाराष्ट्र राज्य सहकारी बँक्स असोसिएशनच्या सभासद असून या असोसिएशनची स्थापना १९३९ ला झालेली आहे. मागील आठ दशकांहून अधिक काळ महाराष्ट्रात सहकारी बँकिंगचा प्रचार आणि संवर्धन करण्यात आघाडीवर आहे. सहकार्य, सर्वसमावेशकता आणि आर्थिक सक्षमीकरणासाठी असोशिएशन नेहमीच आघाडीवर असते. त्याचप्रमाणे रिझर्व्ह बँक ऑफ इंडिया व नाबार्ड यांच्या वेळोवेळी येणाऱ्या मार्गदर्शक सुचनांनुसार सभासद बँकाचे संचालक व अधिकारी / कर्मचाऱ्यांना प्रशिक्षण आधी कार्य ही असोसिएशन करीत आहे.प्रंचित अरविंद पोरेड्डीवार यांची उपाध्यक्षपदी निवड झाल्याबद्दल त्यांनी आपल्या निवडीचे श्रेय राज्याचे मुख्यमंत्री देवेंद्र फडणवीस, राज्याचे सहकार मंत्री बाबासाहेब पाटील, सहकार राज्यमंत्री पंकज भोयर व नागपुर नागरी सहकारी बँकेचे अध्यक्ष संजय भेंडे तसेच महाराष्ट्र राज्य सहकारी बँक्स असोसिएशनच्या सर्व संचालकांना दिले आहे. तसेच त्यांनी याबद्दल कृतज्ञता व्यक्त केली आहे.