ध्येयापर्यंत पोहोचण्यासाठी कडी मेहनत करा यश नक्की मिळेल - खासदार डॉ. नामदेवराव किरसान

ध्येयापर्यंत पोहोचण्यासाठी कडी मेहनत करा यश नक्की मिळेल

    खासदार डॉ. नामदेवराव किरसान 

गडचिरोली,

     सक्षम आयएएस ॲकॅडमी मार्फत मिळणारे प्रशिक्षण मोफत आहे म्हणून त्याकडे दुर्लक्ष करू नका नियमित अभ्यास करा आणि तुम्ही जे ध्येय निश्चित केले आहे त्या ध्येयापर्यंत पोहोचण्यासाठी कडी मेहनत करा यश नक्की मिळेल असे मोलाचे मार्गदर्शन गडचिरोली चिमूर लोकसभा क्षेत्राचे खासदार डॉ नामदेवराव किरसान यांनी  ट्रिटी, बारटी, सारथी व महाज्योती या  संस्थांच्या पोलीस भरती पूर्व प्रशिक्षणासाठी निवड झालेल्या सक्षम आयएएस अकॅडमी चामोर्शी रोड गडचिरोली शाखेचे उद्घाटन प्रसंगी काढले. या कार्यक्रमाचे अध्यक्ष म्हणून राष्ट्रीय ओबीसी महासंघाचे राष्ट्रीय कार्याध्यक्ष प्रा. शेषराव येलेकर होते तर प्रमुख पाहुणे म्हणून राष्ट्रीय  ओबीसी युवा महासंघाचे जिल्हाध्यक्ष राहुल भांडेकर, सक्षम अकॅडमी चे संचालक अतुल सोनवणे, दर्शन तलहांडे, शिवाजी शिक्षण प्रसारक मंडळाचे सचिव गोविंदराव बानबले, राष्ट्रीय ओबीसी महासंघाचे जिल्हाध्यक्ष दादाजी चूधरी, जिल्हा संघटक अरुण झाडे, चंद्रकांत शिवणकर, प्रभाकर भागडकर, कर्मचारी अधिकारी संघटनेचे जिल्हाध्यक्ष विलास मस्के आदी मंचावर उपस्थित होते. 

     खासदार किरसान पुढे म्हणाले, माहिती तंत्रज्ञानाच्या युगात माहितीचे भंडार उपलब्ध आहे त्याचा विद्यार्थ्यांनी पुरेपूर फायदा घ्यावा. वेळ वाया घालवू नका, गुटखा- खरा या वाईट व्यसनापासून दूर राहा यश नक्की मिळेल असे मोलाचे मार्गदर्शन त्यांनी विद्यार्थ्यांना केले.

    कार्यक्रमाचे अध्यक्ष प्रा  शेषराव येलेकर म्हणाले विद्यार्थ्यांनी या प्रशिक्षणाचा पुरेपूर फायदा घ्यावा आणि आपल्या आई वडिलांचे स्वप्न पूर्ण करा असे आवाहन विद्यार्थ्यांना केले तसेच त्यांनी नुकतीच ओबीसीसाठी सुरू झालेली शासकीय वस्तीगृहे व सावित्रीबाई आधार योजनेची माहिती विद्यार्थ्यांना दिली त्याचप्रमाणे ओबीसी विद्यार्थ्यांसाठी महाज्योती मार्फत राबविण्यात येणाऱ्या यूपीएससी, एमपीएससी, स्टाफ सिलेक्शन कमिशन, बँकिंग, मिलिटरी भरती पूर्व प्रशिक्षण व कौशल्य विकास प्रशिक्षणाची माहिती विद्यार्थ्यांना आपल्या अध्यक्षीय भाषणातून दिली.

  यावेळी गोविंदराव  बानबले  व सेवानिवृत्त पोलीस अधिकारी अरुण झाडे यांनी सुद्धा विद्यार्थ्यांना मोलाचे मार्गदर्शन केले.

 कार्यक्रमाचे प्रास्ताविक संस्थेचे संचालक अतुल सोनवणे तसेच कार्यक्रमाचे संचालन व आभार प्रा. दिनेश देशमुख यांनी मानले 

    कार्यक्रमाला विद्यार्थी कर्मचारी व प्राध्यापक मोठ्या संख्येने उपस्थित होते.