शेतकऱ्यांच्या विविध मागण्यांसाठी भरपाऊसात चक्काजाम आंदोलन - मार्क्सवादी कम्युनिस्ट पक्षाचे जिल्हा सचिव कॉम्रेड.अमोल मारकवार
शेतकर्याचा सातबारा कोरा करा.
जन सुरक्षा विधेयक रद्द करा
आरमोरी :-- शेतकरी कर्जमाफीसाठी आणि शेतकऱ्यांचे इतर मागण्यांसाठी दिनांक 24 जुलै रोजी महाराष्ट्रभर चक्काजाम आंदोलन पुकारण्यात आले होते त्या चक्काजाम आंदोलनाचा एक भाग म्हणून आरमोरी तालुक्यातील डोंगरगाव ठाणेगाव येथील बस स्टॅन्ड वर दिनांक 24 जुलै 2025 रोज गुरुवार ला सकाळी दहा वाजता चक्काजाम आंदोलन करण्यात आला.
गेल्या अनेक दिवसापासून शेतकऱ्यांच्या बाजूने प्रहार चे अध्यक्ष बच्चू कडू व अखिल भारतीय किसान सभेच्या नेतृत्वामध्ये मोठ्या प्रमाणावर शेतकऱ्यांच्या हितासाठी लढा सुरू आहे.सर्व शेतकर्यांनी जात,पात धर्म, राजकीय विचार बाजूला ठेवून एकत्र आले आहेत. त्यांच्या हितासाठी बच्चू कडू हे अहोरात्र झटत असून .शेतकरी आत्महत्येच्या गावातून सातबारा कोरा कोरा या शीर्षकाखाली पदयात्रा जवळपास 140 किलोमीटर काढण्यात आली तरी पण अजून पर्यंत राज्य सरकार शेतकऱ्यांचा पूर्णपणे कर्जमाफीचा निर्णय घेतलेला नाही उलट लोकशाही मार्गाने आंदोलन दडपण्याचा उद्देशाने जन सुरक्षा विधेयक विधानसभेत मंजूर करून घेतला आहे .या विरोधात गडचिरोली जिल्ह्यातील आरमोरी तालुक्यामध्ये डोंगरगाव भुसारी ,ठाणेगाव बस स्टॅन्ड या ठिकाणी दिनांक 24 जुलै 2025 रोज गुरुवार ला वेळ सकाळी दहा वाजेपर्यंत भरपाऊसात चक्काजाम आंदोलन करण्यात आला.
शेतकर्याचा सातबारा कोरा - कोरा करा, जन सुरक्षा विधेयक रद्द करा, 58 वर्षा वरील सर्व शेतकरी, शेतमजूर, कामगार यांना मासिक पाच हजार रुपये पेन्शन देण्यात यावी, शेतकऱ्यांना चोविस तास व मोफत विद्युत पुरवठा करा इत्यादी नारे देण्यात आले. नारे बाजी व चक्का जाम मुळे काही वेळ तनावाची परिस्थिती निर्माण झाली होती.आपल्या आंदोलनावर ठाम असलेल्या आंदोलनकर्त्यांना शेवटी पोलीसाना जबरदस्तीने उचलून गाडीने पोलिस स्टेशना आनावे लागते.
पोलीस स्टेशन ला नायब तहसिलदार दोंनाडकर साहेब यांना निवेदन देण्यात आले. या चक्का जाम आंदोलनाचे नेतृत्व गडचिरोली जिल्ह्याचे प्रहार चे जिल्हाध्यक्ष निखिल धार्मिक , मार्क्सवादी कम्युनिस्ट पक्षाचे जिल्हा सचिव कॉम्रेड.अमोल मारकवार, आझाद समाज पक्षाचे राज बन्सोड,लक्की पाटील ,उभाटा सेनेचे सागर मने, मनसेचे जिल्हा उपाध्यक्ष रणजीत बनकर , उभाटाचे तालुका अध्यक्ष भूषण सातव, मनसेचे तालुकाध्यक्ष भारत कुमरे, प्रहारचे जिल्हा सचिव अपंग आघाडीचे अनंत भोयर, विवेक ठाकरे ,प्रहार चे तालुकाप्रमुख ,विकी उंदीरवाडे , होमराज माकडे यांनी केले . या आंदोलनात देऊळगाव चे माजी उपसरपंच कवडुभाऊ सहारे राजू सामृतवार सुधीर ठाकरे ,संतोष सेलोटे, सिंकदर नंदरधने, अमर उपरीकर , आकाश लोथे,अजय नारनवरे, आकाश खोब्रागडे,कवळु कत्रे , दिलीप मेश्राम हे सुद्धा सदर आंदोलनामध्ये प्रामुख्याने सहभागी होते.शेकडो शेतकरी चक्का जाम आंदोलन मध्ये सहभागी झाले होते.
0 Comments